काठमाडौं । राष्ट्रिय स्वतन्त्र पार्टी (रास्वपा) को पहिलो महाधिवेशन चितवनमा हुने भएको छ। पार्टीले नेतृत्व चयनका लागि निर्वाचन कार्यतालिका सार्वजनिक गरेको छ। मतदान असार ९ गते मंगलबार बिहान ८:३० बजेदेखि दिउँसो ३ बजेसम्म हुने तय गरिएको छ।
निर्वाचन आयोगका अनुसार मतदान सकिएको करिब दुई घण्टापछि मतगणना सुरु हुनेछ। महाधिवेशनबाट नयाँ केन्द्रीय नेतृत्व चयन हुनुका साथै पार्टीको आगामी राजनीतिक तथा संगठनात्मक दिशा पनि तय गरिनेछ।
पार्टीले १९ सदस्यीय पदाधिकारी संरचना प्रस्ताव गरेको छ, जसमा सभापति, वरिष्ठ नेता, उपसभापति, महामन्त्री, सहमहामन्त्री, कोषाध्यक्षलगायत पदहरू रहनेछन्। केही पदहरू निर्वाचनबाट र केही पद सभापतिको मनोनयनबाट भरिने व्यवस्था रहेको छ।
देशभरबाट आएका प्रतिनिधिहरूको सहभागितामा महाधिवेशन सम्पन्न हुनेछ, जसले पार्टीको भविष्यको रणनीति र नीति निर्धारण गर्ने अपेक्षा गरिएको छ।
प्रकाशित मिति: ६ असार २०८३, शनिबार
प्रतिक्रिया