काठमाडौं। काठमाडौंको चन्द्रागिरि नगरपालिका मा रेबिज सङ्क्रमणका कारण ४८ वर्षीय एक पुरुषको मृत्यु भएको छ।
केही साताअघि कुकुरले टोकेपछि रेबिजविरुद्धको प्रतिरोधात्मक खोप नलगाएका ती पुरुषमा पछि रेबिजको सङ्क्रमण पुष्टि भएको थियो। स्वास्थ्य अवस्था जटिल बनेपछि उनलाई शुक्रराज ट्रपिकल तथा सरुवा रोग अस्पताल मा भर्ना गरिएको थियो। उपचारकै क्रममा शनिबार उनको मृत्यु भएको अस्पतालले जनाएको छ।
अस्पतालका सूचना अधिकारी समीरकुमार अधिकारीका अनुसार प्रारम्भिक टोकाइपछि आवश्यक खोप नलगाएकै कारण सङ्क्रमण गम्भीर बनेको हो।
उनले भने, ‘पहिलो पटक कुकुरले टोकेपछि खोप लगाइएको देखिएन। रेबिज विकसित भइसकेपछि मात्र अस्पताल ल्याइएको थियो, उपचारका क्रममा शनिबार उहाँको निधन भयो।’
प्रकाशित मिति: ८ असार २०८३, सोमबार
प्रतिक्रिया