काठमाडौं । उच्च अदालत पाटनले १३ करोड रुपैयाँभन्दा बढी ऋण रकम दुरुपयोग गरेको तथा बैंकिङ कसुर गरेको अभियोगमा जानकी हेल्थ फाउन्डेसनका अध्यक्ष ओमप्रसाद पाण्डेलाई पुर्पक्षका लागि थुनामा राख्न आदेश दिएको छ।
न्यायाधीशद्वय टंकप्रसाद गुरुङ र कविप्रसाद न्यौपानेको इजलासले पाण्डेमाथि लागेको आरोपको प्रारम्भिक आधार देखिएको भन्दै मुद्दाको अन्तिम टुंगो नलागेसम्म थुनामा राख्न आदेश दिएको हो। अनुसन्धानका क्रममा उनले प्रभु बैंकबाट कृषि संस्थाका नाममा लिएको १३ करोड रुपैयाँ ऋण तोकिएको प्रयोजनमा प्रयोग नगरी अन्य संस्थामा स्थानान्तरण गरी दुरुपयोग गरेको खुलेको छ। अदालतले कारागार प्रशासनलाई उनको स्वास्थ्य अवस्थालाई ध्यानमा राखी आवश्यक उपचारको व्यवस्था गर्न समेत निर्देशन दिएको छ।
प्रकाशित मिति: १० असार २०८३, बुधबार
प्रतिक्रिया