काठमाडौं । सम्पत्ति शुद्धीकरण अनुसन्धान विभागले व्यवसायी अजेय सुमार्गीको पासपोर्ट रोक्का गरेको छ। विभागले अध्यागमन विभागलाई पत्राचार गर्दै अनुसन्धानका क्रममा उनको पासपोर्ट रोक्का गरेको जनाएको छ।
विभागका अनुसार सुमार्गीमाथि सम्पत्ति शुद्धीकरणसम्बन्धी उजुरीमाथि अनुसन्धान भइरहेको छ। अनुसन्धान पूरा नहुँदासम्म विदेश जान नपाउने सुनिश्चित गर्न पासपोर्ट रोक्का गरिएको बताइएको छ।
सुमार्गीमाथि कर उन्मुक्ति हुने मुलुकहरूबाट शंकास्पद रूपमा रकम नेपाल भित्र्याएको आरोप छ। मुक्तिश्री सिमेन्ट र स्याटलाइट टेलिकममा गरिएको वैदेशिक लगानीसम्बन्धी विवाद विगतमा सर्वोच्च अदालतसम्म पुगेको थियो भने पुराना उजुरीमाथि अनुसन्धान अघि बढेसँगै यो कदम चालिएको जनाइएको छ।
प्रकाशित मिति: ११ असार २०८३, बिहिबार
प्रतिक्रिया