काठमाडौं। नेपाली कम्युनिष्ट पार्टीका सहसंयोजक माधव नेपालले तत्काल कम्युनिष्ट दलहरूबीच एकता सम्भव नरहेको बताएका छन्।
पोखरामा आयोजित कार्यकर्ता भेलालाई सम्बोधन गर्दै उनले अहिले कम्युनिष्ट एकताको अपेक्षा नगरी पहिले आफ्नै सङ्गठनलाई बलियो बनाउन कार्यकर्तालाई आग्रह गरे।
उनले केपी शर्मा ओलीको भनाइ उल्लेख गर्दै वर्तमान अवस्थामा कम्युनिष्ट एकता सहज नभएको बताए।
माधव नेपालले पार्टीभित्र लोकतान्त्रिक अभ्यास, परामर्श र कार्यकर्ताको रुचिअनुसार जिम्मेवारी बाँडफाँट गर्नुपर्नेमा जोड दिए।
गण्डकी प्रदेश कमिटीको आकार ठूलो भएको उल्लेख गर्दै उनले सङ्गठनलाई चुस्त, प्रभावकारी र परिणाममुखी बनाउन सुझाव दिए।
उनले मार्क्सवादी–लेनिनवादी विचारप्रति निष्ठा कमजोर हुँदै गएकोमा चिन्ता व्यक्त गर्दै केन्द्रदेखि जिल्ला तहसम्म नियमित वैचारिक प्रशिक्षण आवश्यक रहेको बताए।
प्रकाशित मिति: १७ असार २०८३, बुधबार
प्रतिक्रिया