काठमाडौं । नेपाली बजारमा बिहीबार सुनको मूल्य बढेको छ । नेपाल सुनचाँदी व्यवसायी महासंघका अनुसार अघिल्लो दिनको तुलनामा सुनको मूल्य तोलामा ६ हजार २०० रुपैयाँले बढेको हो ।
महासंघका अनुसार बिहीबार छापावाल सुन प्रतितोला २ लाख ८३ हजार ५०० रुपैयाँ कायम भएको छ। बुधबार प्रतितोला २ लाख ७७ हजार ३०० रुपैयाँ कारोबार भएको थियो ।
यस्तै, बिहीबार चाँदीको मूल्य पनि १८० रुपैयाँले वृद्धि भएको छ । महासंघका अनुसार चाँदी प्रतितोला ४ हजार ४५० रुपैयाँ कायम भएको छ । अघिल्लो दिन चाँदी प्रतितोला ४ हजार २७० रुपैयाँमा कारोबार भएको थियो ।
प्रकाशित मिति: १८ असार २०८३, बिहिबार
प्रतिक्रिया