काठमाडौं । सर्वोच्च अदालतले नेकपा (एमाले)का उपाध्यक्ष तथा पूर्वअर्थमन्त्री विष्णु पौडेलको बन्दीप्रत्यक्षीकरण सम्बन्धी रिट निवेदन खारेज गरेको छ।
पौडेललाई गैरकानुनी रूपमा हिरासतमा राखिएको दाबी गर्दै उनकी श्रीमती दोमाया पौडेलले सर्वोच्च अदालतमा बन्दीप्रत्यक्षीकरणको रिट दायर गरेकी थिइन्।
उक्त रिटमाथि बिहीबार न्यायाधीश विनोद शर्मा र नित्यानन्द पाण्डेको संयुक्त इजलासमा सुनुवाइ भएको थियो। सुनुवाइपछि इजलासले रिट खारेज गर्ने आदेश दिएको हो।
सर्वोच्च अदालतको आदेशसँगै विष्णु पौडेलमाथि सम्पत्ति शुद्धीकरण (मनी लाउन्डरिङ) सम्बन्धी अनुसन्धान कानुनबमोजिम अघि बढ्ने भएको छ।
प्रकाशित मिति: १८ असार २०८३, बिहिबार
प्रतिक्रिया