काठमाडौं । राष्ट्रियसभा बैठकको प्रत्यक्ष प्रसारणका क्रममा अडियो प्रणालीमा प्राविधिक समस्या देखिएपछि बैठक २० मिनेटका लागि स्थगित गरिएको छ।
प्रत्यक्ष प्रसारणमा भिडियो देखिए पनि अडियो नसुनिएपछि सभाको कार्यवाही प्रभावित भएको थियो। त्यसपछि प्राविधिक समस्या समाधानका लागि बैठक केही समयका लागि स्थगन गरिएको हो।
आजको राष्ट्रियसभा बैठकको कार्यसूचीअनुसार विनियोजन विधेयकमाथि मन्त्रालयगत छलफल हुने कार्यक्रम तय गरिएको छ। प्राविधिक समस्या समाधानपछि बैठक पुनः सञ्चालन गरिने संसद् सचिवालयले जनाएको छ।
प्रकाशित मिति: १९ असार २०८३, शुक्रबार
प्रतिक्रिया