काठमाडौं । अविरल वर्षा, बाढी, पहिरो तथा सडक मर्मतका कारण आइतबार बिहानसम्म देशभरका ७ वटा प्रमुख सडकखण्ड पूर्ण रूपमा अवरुद्ध भएका छन् भने ४ स्थानमा एकतर्फी रूपमा सवारी सञ्चालन भइरहेको छ।
नेपाल प्रहरीका अनुसार काभ्रेपलाञ्चोक, मकवानपुर, सिन्धुपाल्चोक, स्याङ्जा, रुकुम पश्चिम र बझाङका विभिन्न सडक पूर्ण रूपमा बन्द छन्। भोजपुर, कास्की र रोल्पाका सडकखण्डमा भने एकतर्फी सवारी सञ्चालन भइरहेको छ। प्रहरीले यात्रा गर्नुअघि सम्बन्धित सडकको अवस्था बुझ्न र सम्भव भएसम्म वैकल्पिक मार्ग प्रयोग गर्न सर्वसाधारणलाई आग्रह गरेको छ।
प्रकाशित मिति: २१ असार २०८३, आइतबार
प्रतिक्रिया