काठमाडौं । विद्युत् पोल मर्मत गर्ने क्रममा करेन्ट लाग्दा नेपाल विद्युत् प्राधिकरणका एक कर्मचारीको मृत्यु भएको छ।
उदयपुरको बेलका नगरपालिका–९, रामपुर बजार क्षेत्रमा भएको दुर्घटनामा प्राधिकरणका ४० वर्षीय करार सेवाका कर्मचारी मिलन चामलिङको ज्यान गएको हो।
नेपाल विद्युत् प्राधिकरणका अनुसार चामलिङ विद्युत् पोलमा मर्मत कार्य गरिरहेका बेला करेन्ट लागेर गम्भीर घाइते भएका थिए। उनको घटनास्थलमै मृत्यु भएको जनाइएको छ।
घटनाबारे जिल्ला प्रहरी कार्यालयले अनुसन्धान सुरु गरेको छ।
प्रकाशित मिति: २४ असार २०८३, बुधबार
प्रतिक्रिया