काठमाडौं । चितवनको खैरहनी नगरपालिका–१० निवासी ३५ वर्षीय विकासकुमार श्रेष्ठ बालबालिकासम्बन्धी कसुरको आरोपमा पक्राउ परेका छन्।
प्रहरीका अनुसार आफ्नै ‘नमस्ते मिलिजुली खाजा घर’मा काम गर्ने १७ वर्षीया बालिकामाथि उनले यौनजन्य दुर्व्यवहार गरेका थिए। बालिकालाई शारीरिक सम्बन्धका लागि ५० हजार रुपैयाँ दिने प्रलोभन देखाउनुका साथै संवेदनशील अंग छोएको आरोप उनीमाथि छ।
यस्तै, श्रेष्ठले व्हाट्सएप, इन्स्टाग्रामलगायत सामाजिक सञ्जालमार्फत बालिकालाई सन्देश र भिडियो पठाउने गरेको आरोप पनि प्रहरीले जनाएको छ।
यस घटनापछि प्रहरीले उनलाई पक्राउ गरी बालबालिकासम्बन्धी कसुरमा अनुसन्धान अघि बढाएको छ।
प्रकाशित मिति: २८ असार २०८३, आइतबार
प्रतिक्रिया