काठमाडौं । निरन्तर वर्षापछि तुईन खोला र सेती दोभान क्षेत्रमा लेदो तथा ढुङ्गा झरेका कारण मुग्लिन–नारायणगढ सडकखण्ड सोमबार साँझदेखि दुईतर्फी पूर्ण रूपमा अवरुद्ध भएको छ।
सडक डिभिजन भरतपुरका अनुसार डोजरसहितको मर्मत टोली घटनास्थल पुगे पनि लगातारको वर्षाले पहिरो र लेदो हटाउन कठिनाइ भइरहेको छ। यात्रु तथा चालकलाई सडकको पछिल्लो अवस्था बुझेर मात्रै यात्रा गर्न र अनावश्यक जोखिम नलिन आग्रह गरिएको छ।
प्रकाशित मिति: २९ असार २०८३, सोमबार
प्रतिक्रिया