काठमाडौं । पर्वतको कुश्मा नगरपालिका–९ स्थित दोबिल्ला–फलेवास सडकखण्डमा शनिबार ट्याक्टर दुर्घटना हुँदा चालकसहित दुई जनाको मृत्यु भएको छ। कुश्माबाट साइकलचोकतर्फ जाँदै गरेको ट्याक्टर अनियन्त्रित भई करिब १०० मिटर तल खसेर दुर्घटना भएको प्रहरीले जनाएको छ।
दुर्घटनामा चालक २८ वर्षीय सुजन नेपाली र १४ वर्षीय शिशिर लामिछानेको उपचारका क्रममा मृत्यु भएको हो। घाइते भएका २२ वर्षीय उदय सापकोटाको प्रदेश अस्पताल, कुश्मामा उपचार भइरहेको छ भने घटनाबारे प्रहरीले थप अनुसन्धान गरिरहेको छ।
प्रकाशित मिति: २ श्रावण २०८३, शनिबार
प्रतिक्रिया