काठमाडौं । झापाको मेचीनगरमा डिभिजन वन कार्यालय भद्रपुरको स्कोरपियो र सिटी सफारी एकआपसमा ठोक्किँदा एक महिलाको मृत्यु भएको छ।
सोमबार बिहान मेचीनगर–१५ कालिकास्थित भित्री सडकमा भएको दुर्घटनामा सिटी सफारीमा सवार ४० वर्षीया आरती उराउ गम्भीर घाइते भएकी थिइन्। उपचारका लागि प्रादेशिक अस्पताल भद्रपुर पुर्याइएलगत्तै चिकित्सकले उनलाई मृत घोषणा गरेका हुन्।
दुर्घटनापछि दुवै सवारीका चालकलाई प्रहरीले नियन्त्रणमा लिएको छ भने घटनाबारे थप अनुसन्धान भइरहेको प्रहरीले जनाएको छ।
प्रकाशित मिति: ४ श्रावण २०८३, सोमबार
प्रतिक्रिया