काठमाडौं । प्रधानमन्त्री बालेन्द्र शाह (बालेन) ले नेपालस्थित भारत र चीनका राजदूतसँग छुट्टाछुट्टै एकल भेटवार्ता गर्ने भएका छन्। प्रधानमन्त्री निकट स्रोतका अनुसार दुवै भेट एकै दिन फरक–फरक समयमा हुनेछ। यसअघि उनले विभिन्न देशका राजदूतसँग सामूहिक भेट गरे पनि एकल वार्ता गरेका थिएनन्।
प्रधानमन्त्री शाहले भारतीय राजदूत नवीन श्रीवास्तव र चिनियाँ राजदूत छाङ माओसँगको भेटमा नेपालको विदेश नीति, द्विपक्षीय सम्बन्ध र छिमेकी राष्ट्रसँगको सहकार्यलाई थप मजबुत बनाउने विषयमा आफ्नो धारणा राख्ने तयारी गरेका छन्। यी भेटलाई सरकारको कूटनीतिक पहलका रूपमा अर्थपूर्ण रूपमा हेरिएको छ।
प्रकाशित मिति: ४ श्रावण २०८३, सोमबार
प्रतिक्रिया