काठमाडौं । अख्तियार दुरुपयोग अनुसन्धान आयोगले नेपाल नागरिक उड्डयन प्राधिकरणका तत्कालीन महानिर्देशक प्रदीप अधिकारीविरुद्ध सम्पत्ति शुद्धीकरणसम्बन्धी मुद्दा विशेष अदालतमा दायर गरेको छ।
आयोगका अनुसार प्राधिकरणको ठेक्का प्रक्रियामा संलग्न कम्पनी र सेयरधनीसँग श्रीमतीको नाममा ललितपुरमा १३ आना जग्गा खरिद गरी १ करोड ७१ लाख रुपैयाँ घुस लिएको आरोप छ। यस प्रकरणमा गायत्री निर्माण सेवा र कम्पनीका प्रमुख प्रेम प्रकाश ढकाललाई पनि प्रतिवादी बनाइएको छ। उनीहरूविरुद्ध १ करोड ७१ लाख रुपैयाँ बिगो असुल तथा प्रचलित कानुनबमोजिम सजायको माग गरिएको छ।
प्रकाशित मिति: ५ श्रावण २०८३, मंगलबार
प्रतिक्रिया