काठमाडौं । शिक्षा तथा खेलकुदमन्त्री सस्मित पोखरेलले नेपालमा इन्जिनियरिङ शिक्षाको गुणस्तर सुधार गर्दै यसतर्फ विद्यार्थीको आकर्षण बढाउन ठोस योजना बनाएर अघि बढ्न सरोकारवाला निकायलाई आग्रह गरेका छन्।
सिंहदरबारस्थित शिक्षा मन्त्रालयमा त्रिभुवन विश्वविद्यालय (त्रिवि), इन्जिनियरिङ अध्ययन संस्थान (आइओई) र इन्जिनियरिङ कलेजहरूको छाता संगठन एकोन त्रिवि च्याप्टरका पदाधिकारीसँग भएको छलफलमा मन्त्री पोखरेलले इन्जिनियरिङ शिक्षालाई समयानुकूल र प्रभावकारी बनाउन आवश्यक पहल गर्न आग्रह गरेका हुन्।
छलफलमा त्रिविका उपकुलपति प्रा.डा. भोला थापा, आइओईका डीन प्रा.डा. सुशीलबहादुर बज्राचार्य, एकोन त्रिवि च्याप्टरका संयोजक धनप्रसाद पौडेलसहित मन्त्रालयका उच्च अधिकारी तथा सम्बन्धित पदाधिकारी सहभागी थिए।
प्रकाशित मिति: ९ श्रावण २०८३, शनिबार
प्रतिक्रिया