काठमाडौं । शिक्षा तथा खेलकुदमन्त्री सस्मित पोखरेलले त्रिभुवन विश्वविद्यालयअन्तर्गत एमबीएस प्रथम सत्रको प्रश्नपत्र सार्वजनिक गर्ने घटनामा संलग्न दोषीमाथि कानुनअनुसार कडा कारबाही गरिने बताएका छन्।
मन्त्रालयमा सञ्चारकर्मीसँग कुरा गर्दै मन्त्री पोखरेलले घटनामा संलग्न दुई जनालाई नेपाल प्रहरीले नियन्त्रणमा लिएर अनुसन्धान अघि बढाइसकेको जानकारी दिए। प्रश्नपत्र सार्वजनिक भएको सूचना प्राप्त हुनासाथ गृहमन्त्रालय र नेपाल प्रहरीसँग समन्वय गरी तत्काल निगरानी बढाइएको उनले बताए।
मन्त्री पोखरेलका अनुसार विगतमा पनि यस्ता घटना दोहोरिँदै आएका भए पनि यसपटक तत्काल अनुसन्धान र कारबाही प्रक्रिया अघि बढाइएको छ। सिआइबीले पक्राउ परेका दुई जनामाथि थप अनुसन्धान गरिरहेको छ। साउन ८ गते भएको एमबीएस प्रथम सत्रको ‘अर्गनाइजेशनल बिहेबियर’ विषयको परीक्षा सुरु भएको केही मिनेटमै प्रश्नपत्र सामाजिक सञ्जालमा सार्वजनिक भएको थियो।
प्रकाशित मिति: १० श्रावण २०८३, आइतबार
प्रतिक्रिया