काठमाडौं । नेपाली कम्युनिस्ट पार्टी (नेकपा)का सहसंयोजक माधवकुमार नेपालले आफ्नो निवास, पार्टी कार्यालय र त्यहाँ रहेका ऐतिहासिक सामग्रीमा भएको आगजनी तथा तोडफोडलाई नेपालको राजनीतिक इतिहासमाथिको आक्रमणको संज्ञा दिएका छन्।
आइतबार काठमाडौंमा आयोजित तुल्सीलाल स्मृति प्रतिष्ठानको कार्यक्रममा सम्मान ग्रहणपछि बोल्दै नेपालले जेनजी आन्दोलनका क्रममा आफ्नो निवासमा भएको आगजनीबाट वर्षौँदेखि संकलन गर्दै आएका बहुमूल्य डायरी, ऐतिहासिक दस्तावेज, पुस्तक तथा अन्य महत्वपूर्ण सामग्री नष्ट भएको बताए।
उनले आगजनीका कारण नेकपा एमालेको पुस्तकालयमा रहेका दुर्लभ पुस्तकहरू समेत जलेर नष्ट भएको उल्लेख गर्दै इतिहासका महत्वपूर्ण प्रमाणहरू मेटाउने प्रयास भएको टिप्पणी गरे।
माधवकुमार नेपालले ती सामग्री केवल व्यक्तिगत सम्पत्ति नभई नेपालको राजनीतिक इतिहासका जीवित प्रमाण रहेको उल्लेख गर्दै यस्ता घटनाले इतिहास नै मेटाउने प्रयास भएको धारणा व्यक्त गरे।
प्रकाशित मिति: १७ श्रावण २०८३, आइतबार
प्रतिक्रिया