काठमाडौं । धनुषा प्रहरीले विभिन्न मुद्दामा सजाय तोकिएका ६ जना फरार प्रतिवादीहरूलाई पक्राउ गरेको छ ।
जिल्ला प्रहरी कार्यालय धनुषाका अनुसार फरार प्रतिवादीहरूलाई मंगलबार खोजतलासको क्रममा जिल्लाको विभिन्न स्थानबाट पक्राउ गरिएको हो । पक्राउ पर्नेहरूमा सवारी ज्यान मुद्दाका ३ जना लागुऔषध र अन्य चोरी, डाका मुद्दाका १/१ जना आरोपी रहेका छन् ।
तिनीहरू मध्ये डाका मुद्दामा पक्राउ परेको प्रतिवादीलाई करिब साढे ४ वर्ष कैद सजाय फैसला भएको आरोपी रहेको धनुषा प्रहरी प्रवक्ता एवं डिएसपी मधुसूदन न्यौपानेले बताए । उनका अनुसार पक्राउ परेका सबै प्रतिवादीहरूलाई जिल्ला अदालत धनुषा पठाइएको छ ।
प्रकाशित मिति: २७ श्रावण २०८३, बुधबार
प्रतिक्रिया