काठमाडौं । गण्डकी प्रदेश सरकारले घरेलु मदिरा उत्पादन, ब्रान्डिङ र बजारीकरणलाई व्यवस्थित गर्न ऐन तथा नियमावली जारी गरेको छ। प्रदेश सरकारले कानुनी बाटो खुलाए पनि अन्तःशुल्कको दर निर्धारण गर्ने अधिकार संघीय सरकारसँग रहेकाले दर तोक्न र कार्यान्वयनमा सहजीकरण गर्न संघलाई आग्रह गर्ने निर्णय गरेको छ।
नियमावलीअनुसार विद्यालय, अस्पताल, धार्मिक स्थल र आवासीय क्षेत्रको २०० मिटरभित्र मदिरा बिक्री गर्न पाइने छैन। १८ वर्षभन्दा कम उमेरका व्यक्तिलाई मदिरा बिक्री गर्न रोक लगाइएको छ भने बिहान १० बजेदेखि राति १० बजेसम्म मात्र बिक्री गर्न पाइनेछ। प्लास्टिकको पोकामा मदिरा बिक्री गर्न पनि प्रतिबन्ध लगाइएको छ।
प्रकाशित मिति: २७ श्रावण २०८३, बुधबार
प्रतिक्रिया