काठमाडौं । काठमाडौंको कागेश्वरी मनोहरा–४ डाछीमा ईभी माइक्रोको ठक्करबाट ७० वर्षीय पैदलयात्री शंकरप्रसाद कुइँकेलको मृत्यु भएको छ।
बाघधारा नजिक माइक्रोको ठक्करबाट गम्भीर घाइते भएका कुइँकेलको उपचारका क्रममा शंखरापुर अस्पताल, नारायणटारमा मृत्यु भएको प्रहरीले जनाएको छ।
दुर्घटनापछि प्रहरीले माइक्रो र चालकलाई नियन्त्रणमा लिएको छ। घटनापछि मृतकका आफन्तसहित करिब २०० स्थानीयले डाछी चोकमा सडक अवरुद्ध गरेका छन्। घटनाबारे प्रहरीले थप अनुसन्धान गरिरहेको छ।
प्रकाशित मिति: २८ श्रावण २०८३, बिहिबार
प्रतिक्रिया