झापा । नेकपा एमालेका अध्यक्ष केपी शर्मा ओली फागुन २१ गते सम्पन्न निर्वाचनपछि पहिलोपटक झापा पुगेका छन्।
इलाममा आयोजित कार्यक्रममा सहभागी हुन ओली शनिबार झापाको चन्द्रगढी विमानस्थलमा अवतरण गरेका हुन्। विमानस्थलबाट उनी स्थलमार्ग हुँदै इलामतर्फ प्रस्थान गरेका छन्।
ओली आज इलाममै रहने कार्यक्रम रहेको नेकपा एमाले झापाका सचिव तुलसी कार्कीले जानकारी दिए।
उनका अनुसार ओलीले आइतबार बिर्तामोडमा एमाले झापाले आयोजना गरेको ‘मिसन पार्टी जागरण अभियान’ उद्घाटन गर्नेछन्।
निर्वाचनपछि पहिलोपटक गृहजिल्ला झापा पुगेका ओलीको भ्रमणलाई एमालेको संगठनात्मक गतिविधि र पार्टी जागरण अभियानसँग जोडेर हेरिएको छ।
प्रकाशित मिति: ३० श्रावण २०८३, शनिबार
प्रतिक्रिया