काठमाडौं । रोल्पाको थवाङ गाउँपालिका–५ कोटलबारा गाउँमा गएको पहिरोमा परी बेपत्ता भएका थप एक जनाको शव शनिबार फेला परेको छ। शव फेला परेसँगै पहिरोमा मृत्यु हुनेको संख्या १२ पुगेको छ।
प्रहरीका अनुसार पहिरोमा परी बेपत्ता भएका करिब ८० वर्षीय अजम्बर पुनमगरको शव प्युठानको सरुमारानी गाउँपालिका–२ ददेरीस्थित राप्ती नदीको बीच भागमा फेला परेको हो। शवको पहिचान उनका भतिजा सुशील पुनले गरेका छन्।
पहिरोमा परी थवाङ–५ का करिब ९ वर्षीय अशिम पुनमगर भने अझै बेपत्ता छन्। उनको खोजी कार्य जारी रहेको प्रहरीले जनाएको छ।
प्रकाशित मिति: ३० श्रावण २०८३, शनिबार
प्रतिक्रिया