काठमाडौं । चेक बाउन्स मुद्दामा पक्राउ परेका जनता टेलिभिजनका अध्यक्ष विजयप्रसाद पौडेल रिहा भएका छन्।
पौडेललाई बिहीबार बानेश्वरस्थित जनता टेलिभिजनको कार्यालयबाट प्रहरीले पक्राउ गरेको थियो। पूर्वकर्मचारीलाई तिर्नुपर्ने १ लाख ५० हजार रुपैयाँ रकम भुक्तानी गरेपछि उनलाई रिहा गरिएको हो।
जिल्ला प्रहरी परिसर काठमाडौँका एक प्रहरी अधिकृतका अनुसार रकम भुक्तानी गरेपछि पौडेललाई रिहा गरिएको हो।
पौडेलविरुद्ध जनता टेलिभिजनका पूर्वकर्मचारीले चेक बाउन्ससम्बन्धी उजुरी दिएका थिए। सोही उजुरीका आधारमा प्रहरीले उनलाई पक्राउ गरेको थियो।
प्रकाशित मिति: ४ भाद्र २०८३, बिहिबार
प्रतिक्रिया