काठमाडौं । दाङ प्रहरीले जिल्लाका विभिन्न सामुदायिक तथा राष्ट्रिय वन क्षेत्रमा लुकाइछिपाइ राखिएका ३७ नाल अवैध भरुवा बन्दुक बरामद गरेको छ। प्रहरीले भदौ १ देखि ४ गतेसम्म सञ्चालन गरेको विशेष अपरेसनका क्रममा ती बन्दुक बरामद गरेको हो।
प्रहरीका अनुसार बंगलाचुली, लमहीलगायतका विभिन्न वन क्षेत्रमा खटिएका टोलीले बन्दुक बरामद गरेका हुन्।
यसअघि पनि साउन १६ देखि १९ गतेसम्मको खोजतलास अभियानमा ५५ नाल भरुवा बन्दुक बरामद गरिएको थियो। वन क्षेत्रमा सिकार तथा अन्य अवैध गतिविधिका लागि बन्दुक लुकाइएको हुन सक्ने आशंकामा प्रहरीले अनुसन्धान अघि बढाएको जनाएको छ।
प्रकाशित मिति: ४ भाद्र २०८३, बिहिबार
प्रतिक्रिया