काठमाडौं । भोटेकोशीमा गएको बाढीले बगाएर त्रिशूली नदी हुँदै गोरखातर्फ ल्याएका २९ शवको अन्त्येष्टि गरिएको छ।
जिल्ला प्रशासन कार्यालयका अनुसार गोरखामा हालसम्म ५५ शव फेला परेका छन्। तीमध्ये पहिचान खुल्न नसकेका तथा शरीरका विभिन्न अङ्गसहितका २९ शवको डीएनए नमुना सङ्कलन गरी अन्त्येष्टि गरिएको हो।
प्रमुख जिल्ला अधिकारी तुलसीप्रसाद श्रेष्ठका अनुसार पर्याप्त शवगृहको अभाव र शव बिग्रिएर दुर्गन्ध फैलिन थालेपछि पहिचान खुल्न नसकेका शव व्यवस्थापन गरिएको हो।
गोरखामा भेटिएका २३ वटा सग्ला शवमध्ये ११ वटा पोखरा पठाइएको छ भने बाँकी शव स्थानीय अस्पतालका शवगृहमा राखिएका छन्।
प्रकाशित मिति: १३ भाद्र २०८३, शनिबार
प्रतिक्रिया