काठमाडौं । भोटेकोशी बाढीपछि सम्पर्कविहीन भएका आफन्तको खोजीमा परिवारहरू दिनरात अस्पताल, प्रहरी कार्यालय र सम्भावित घटनास्थलमा पुगिरहेका छन्।
ललितपुरका शिशिर बस्नेत आठ दिनदेखि सम्पर्कविहीन छन्। उनको परिवारले काठमाडौंका अस्पतालदेखि नुवाकोट र चितवनसम्म पुगेर खोजी गरिरहेको छ। त्यस्तै, रसुवामा कार्यरत सङ्गम थापा घर्तिमगर र पत्रकार टेकराज थामी पनि बाढीपछि सम्पर्कविहीन छन्।
समय बित्दै जाँदा खोजी कठिन बन्दै गए पनि परिवारले आशा छाडेका छैनन्। उनीहरूले सरकारी निकाय, सुरक्षा निकाय, अस्पताल तथा सर्वसाधारणसँग बेपत्ता आफन्तको खोजीमा सहयोग र सूचना उपलब्ध गराइदिन आग्रह गरेका छन्।
प्रकाशित मिति: १८ भाद्र २०८३, बिहिबार
प्रतिक्रिया