काठमाडौं । इजरायलमा रोजगारीका लागि आवेदन खुलेसँगै राहदानी बनाउने सेवाग्राहीको सङ्ख्या बढ्दा काठमाडौंस्थित राहदानी विभागमा अत्यधिक भिडभाड भएको छ।
रोजगारीका लागि आवश्यक राहदानी बनाउन सेवाग्राही एकैपटक विभागमा आउन थालेपछि सेवा व्यवस्थापनमा समेत चुनौती थपिएको विभागले जनाएको छ।ρ
विभागले भिड व्यवस्थापनका लागि प्रहरी परिचालन गर्नुका साथै सेवाग्राहीलाई आवेदनमा तोकिएको मिति र समयमा मात्र उपस्थित हुन आग्रह गरेको छ।
इजरायल रोजगारीका लागि आवेदन दिने समय असोज २६ गतेसम्म रहेकाले हतार नगरी राहदानी प्रक्रिया अघि बढाउन विभागले अनुरोध गरेको छ। साथै, नजिकको जिल्ला प्रशासन वा इलाका प्रशासन कार्यालयबाट राहदानी आवेदन दिन सकिने भएकाले अत्यावश्यक बाहेक काठमाडौं नआउन विभागले आग्रह गरेको छ।
प्रकाशित मिति: २४ भाद्र २०८३, बुधबार
प्रतिक्रिया