काठमाडौं । इन्डोनेसियामा २४३ जना सवार जहाज सम्पर्कविहीन भएपछि खोजी तथा उद्धार अभियान सुरु गरिएको छ।
‘भिर्गो ट्रान्सपोर्ट–८’ नामको जहाज सुराबायाबाट दक्षिण कालिमन्तानको बन्जारमासिनतर्फ जाँदै थियो। आइतबार बिहान यात्राका क्रममा खराब मौसमको सामना गर्नुपरेको जानकारी गराएलगत्तै जहाजसँग सम्पर्क विच्छेद भएको अधिकारीहरूले बताएका छन्।
खोजी तथा उद्धार एजेन्सीका अनुसार जहाजको हालको अवस्थिति पत्ता लाग्न सकेको छैन। यसको अन्तिम अवस्थिति जावा सागरमा अभिलेख गरिएको थियो।
उद्धारका लागि ६ सदस्यीय टोली परिचालन गरिएको छ। अन्तिम अवस्थिति रहेको क्षेत्रमा पुग्न टोलीलाई करिब पाँच घण्टा लाग्ने बताइएको छ।
प्रकाशित मिति: २८ भाद्र २०८३, आइतबार
प्रतिक्रिया