काठमाडौं । नेपाल र माइक्रोनेसियाको संघीय राज्यबीच कूटनीतिक सम्बन्ध स्थापना भएको छ।
संयुक्त राष्ट्रसंघका लागि नेपालका स्थायी प्रतिनिधि लोकबहादुर थापा र माइक्रोनेसियाका स्थायी प्रतिनिधि जीम एस लिप्पवेले संयुक्त विज्ञप्तिमा हस्ताक्षर गरेसँगै दुई देशबीच औपचारिक सम्बन्ध कायम भएको हो।
यससँगै नेपालसँग कूटनीतिक सम्बन्ध गाँस्ने देशको संख्या १८५ पुगेको छ।
हस्ताक्षरपछि दुवै पक्षले राष्ट्रिय तथा अन्तर्राष्ट्रिय मञ्चमा साझा चासोका विषयमा सहकार्य र सहयोग आदानप्रदान गर्ने प्रतिबद्धता जनाएका छन्। दुवै देश जी–७७ र चीन समूहका सदस्यसमेत हुन्।
प्रकाशित मिति: ३० भाद्र २०८३, मंगलबार
प्रतिक्रिया