काठमाडौं । मनाङको नासो गाउँपालिका–३ खोत्रोमा पहिरोसँगै ठूलो चट्टान सडकमा खसेपछि चामे–बेँसीसहर सडक पूर्ण रूपमा अवरुद्ध भएको छ। पहिरो हटाउन दिनभर प्रयास गरिए पनि सम्भव नभएपछि नेपाली सेनासहित सुरक्षाकर्मीको सहयोगमा विष्फोटक पदार्थ प्रयोग गरी सडक खुलाउने तयारी भइरहेको छ।
सडक अवरुद्ध हुँदा यात्रु तथा पर्यटक प्रभावित भएका छन्। सडक आयोजनाले ड्रिलिङमार्फत अवरोध हटाउने काम भइरहेको जनाएको छ।
प्रकाशित मिति: ३१ भाद्र २०८३, बुधबार
प्रतिक्रिया