काठमाडौं । प्रधानमन्त्री वालेन्द्र शाह ‘बालेन’ ले जेनजी उमेर समूहका सांसदहरूसँग शुक्रबार विशेष अन्तरक्रिया सुरु गरेका छन् ।
सिंहदरबारस्थित प्रधानमन्त्री तथा मन्त्रिपरिषद्को कार्यालयमा जेनजी सांसदहरूसँग प्रधानमन्त्री शाहले विभिन्न समसामयिक विषयमा छलफल गरिरहेका छन् ।
छलफलमा नवीनतम प्रविधिको प्रयोग, डिजिटल सुशासन, युवा स्वरोजगार तथा स्टार्टअप नीति, प्राविधिक शिक्षा र सर्वसुलभ स्वास्थ्य सेवाका विषयमा केन्द्रित रहेर विचार–विमर्श भइरहेको छ ।
त्यसैगरी वातावरणीय सन्तुलन कायम गर्दै दिगो विकास हासिल गर्ने विषय पनि छलफलको एजेन्डामा रहेको छ ।
प्रधानमन्त्री शाहले जेनजी पुस्ताका सांसदहरूसँग विभिन्न क्षेत्रका नीति तथा प्राथमिकताबारे सुझाव र धारणा लिन अन्तरक्रिया आयोजना गरेका हुन् ।
प्रकाशित मिति: २ आश्विन २०८३, शुक्रबार
प्रतिक्रिया