काठमाडौं । त्रिपुरेश्वरमा बसभित्र भएको आगलागी घटनाको छानबिन गर्न दुई छुट्टाछुट्टै समिति गठन गरिएको छ ।
सोमबार ट्राफिक प्रहरीसँग विवाद भएपछि बस चालकले भित्रै बसेर आगो लगाएको आशंका गरिएको छ । आगलागीमा चालक गम्भीर घाइते भएका छन् ।
घटनाको वास्तविक कारण तथा परिस्थितिबारे छानबिन गर्न उपत्यका प्रहरी कार्यालय, रानीपोखरीका एसएसपी रमेश बस्नेतको नेतृत्वमा एक समिति गठन गरिएको हो ।
त्यस्तै, काठमाडौं जिल्लाका सहायक प्रमुख जिल्ला अधिकारीको नेतृत्वमा अर्को छानबिन समिति गठन गरिएको छ ।
दुवै समितिले घटनाको कारण, घटनाअघि भएको विवाद तथा आगलागीको परिस्थितिबारे अध्ययन गरी आवश्यक प्रतिवेदन तयार गर्नेछन् ।
प्रकाशित मिति: ५ आश्विन २०८३, सोमबार
प्रतिक्रिया