काठमाडौं । जल तथा मौसम विज्ञान विभागले सुदूरपश्चिम प्रदेशका कैलाली र कञ्चनपुरका केही पालिकामा भारी वर्षाको प्रभाव पर्न सक्ने भन्दै प्रभावमा आधारित मौसम पूर्वानुमान जारी गरेको छ।
विभागका अनुसार असोज ९ देखि असोज १२ गते बिहानसम्म लागू हुने गरी भारी वर्षासम्बन्धी पूर्वानुमान जारी गरिएको हो।
कैलालीका गोदावरी, भजनी र घोडाघोडी नगरपालिका तथा मोहन्याल र चुरे गाउँपालिका भारी वर्षाको सम्भावित प्रभाव क्षेत्रका रूपमा तोकिएका छन्।
यस्तै, कञ्चनपुरका लालझाडी गाउँपालिका तथा शुक्लाफाँटा र पुनर्वास नगरपालिका पनि भारी वर्षाको सम्भावित प्रभाव क्षेत्रमा रहेका छन्।
विभागले ती क्षेत्रमा भारी वर्षाका कारण हुन सक्ने सम्भावित जोखिमप्रति सतर्क रहन आग्रह गरेको छ।
प्रकाशित मिति: ९ आश्विन २०८३, शुक्रबार
प्रतिक्रिया