काठमाडौं । नेकपा एमालेका नेता गोकुल बास्कोटाले पूर्वप्रधानन्यायाधीश चोलेन्द्र शमशेर जबरा पक्राउबारे प्रश्न उठाएका छन्।
उनले पक्राउ पुर्जीबिना पूर्वप्रधानन्यायाधीश गिरफ्तार? भन्दै प्रश्न उठाएका हुन्। सामाजिक सञ्जालमार्फत बास्कोटाले जेनजी खतरा भए सुरक्षा दिनुपर्ने बताए।
उनले लेखेका छन्, ‘पक्राउ पुर्जीबिना त्यो पनि पूर्वप्रधानन्यायाधीश गिरफ्तार? कतै सत्तारूढ दलभित्रै पाकिरहेको खिचडीको खेल त हैन? जेनजी खतरा भए त सुरक्षा पो दिने होला। पशुपति जाने!’
पूर्वप्रधानन्यायाधीश जबरा आइतबार बिहान काठमाडौंको महाराजगञ्जस्थित निवासबाट पक्राउ परेका थिए। उनलाई काठमाडौं उपत्यका अपराध अनुसन्धान कार्यालय, टेकुको टोलीले पक्राउ गरेको हो। उनीविरुद्ध कुन कसुरमा पक्राउ गरिएको हो भन्नेबारे भने तत्काल स्पष्ट पारिएको छैन।
प्रकाशित मिति: ११ आश्विन २०८३, आइतबार
प्रतिक्रिया