नवलपरासी । पूर्वपश्चिम राजमार्गअन्तर्गत नवलपरासी (बर्दघाट–सुस्तापूर्व) को दाउन्नेमा आज बिहान भएको सवारी दुर्घटनामा मृत्यु भएका ६ जनामध्ये पाँचजनाको पहिचान खुलेको छ।
जिल्ला प्रहरी कार्यालय नवलपरासीका अनुसार मृत्यु हुनेमा जाजरकोटको भेरीगङ्गा नगरपालिका–३ का ५० वर्षीय निर्जुङ खत्री, बाँकेको कोहलपुर नगरपालिका–३ का ३२ वर्षीय दीपेन्द्र केसी, बाजुराको स्वामीकार्तिक खापर गाउँपालिकाका ६५ वर्षीय नरेन्द्रराज गिरी, बाँकेको कोहलपुर नगरपालिका–१० का ५५ वर्षीय एकेन्द्रराज रेग्मी र नेपालगञ्ज उपमहानगरपालिका–७ का २२ वर्षीय कृष कनौजिया रहेका छन्।
दुर्घटनामा मृत्यु भएका अर्का एक पुरुषको भने हालसम्म पहिचान खुल्न सकेको छैन। उनको पहिचानका लागि प्रहरीले आवश्यक प्रक्रिया अघि बढाएको जनाएको छ।
दुर्घटनामा घाइते भएका १० जनाको स्थानीय अस्पतालमा उपचार भइरहेको जिल्ला प्रहरी कार्यालय नवलपरासीले जनाएको छ।
प्रकाशित मिति: १७ आश्विन २०८३, शनिबार
प्रतिक्रिया