काठमाडौं । नेपाली कांग्रेसको १५औँ महाधिवेशनबाट गगनकुमार थापा पार्टी सभापतिमा निर्वाचित भएका छन्। शुक्रबार सम्पन्न मतदानको मतगणना राष्ट्रिय सभागृहमा राति सकिएको हो।
महाधिवेशन मिडिया सेन्टरका सदस्य महेश गौतमका अनुसार थापाले ६ हजार ५८४ मत प्राप्त गरेका छन्। उनका प्रतिस्पर्धी श्यामकृष्ण खड्गीले ३७५ मत पाएका छन्।
निर्वाचन समितिका अनुसार कुल ७ हजार ३१७ महाधिवेशन प्रतिनिधिमध्ये ७ हजार ३९ जनाले मतदान गरेका थिए। खसेको मतमध्ये ५४ मत बदर भएको थियो।
नेपाल विद्यार्थी संघको अध्यक्ष हुँदै राष्ट्रिय राजनीतिमा उदाएका थापा यसअघि कांग्रेसको १४औँ महाधिवेशनबाट महामन्त्री निर्वाचित भएका थिए। स्वास्थ्य मन्त्रीसमेत भइसकेका थापा पार्टीभित्र नीतिगत तथा सांगठनिक सुधारको एजेन्डा अघि सार्दै आएका छन्।
प्रकाशित मिति: २४ आश्विन २०८३, शनिबार
प्रतिक्रिया