काठमाडौं । सन् २०२६ को अर्थशास्त्रतर्फको नोबेल पुरस्कार अमेरिकी अर्थशास्त्री रोबर्ट ई. हल र माइकल वुडफोर्डलाई प्रदान गरिने भएको छ।
स्विडेनको रोयल एकेडेमी अफ साइन्सेजले समष्टिगत आर्थिक स्थिरताका लागि सूक्ष्म आर्थिक आधारसम्बन्धी योगदानको कदर गर्दै उनीहरूलाई पुरस्कार दिने निर्णय गरेको समाचारमा उल्लेख छ।
हल र वुडफोर्डको अनुसन्धानले आर्थिक मन्दी र तीव्र वृद्धिबीचको उतारचढाव व्यवस्थापन गर्न तथा ब्याजदर, सरकारी खर्च र मौद्रिक नीतिमार्फत अर्थतन्त्रलाई स्थिर राख्न सहयोग पुर्याउने बताइएको छ।
उनीहरूले विकास गरेका आर्थिक नमुनाले घरपरिवार र व्यवसायका निर्णयले समग्र अर्थतन्त्रमा पार्ने प्रभावलाई समेट्छन्। ऊर्जा सङ्कट वा उपभोगमा अचानक आउने परिवर्तनजस्ता चुनौती सामना गर्न सरकार र केन्द्रीय बैंकलाई यी अनुसन्धान उपयोगी हुने विश्वास गरिएको छ।
प्रकाशित मिति: २६ आश्विन २०८३, सोमबार
प्रतिक्रिया