काठमाडौं । राष्ट्रिय स्वतन्त्र पार्टीले सांसद खगेन्द्र सुनारलाई निलम्बन गरेको छ ।
एक महिलासँगको आपत्तिजनक कुराकानीको अडियो बाहिरिएपछि रास्वपाले सांसद सुनारमाथि आन्तरिक छानबिन अगाडि बढाउँदै छानबिन नसकिएसम्मका लागि सबै सार्वजनिक पदीय जिम्मेवारीबाट निलम्बन गरेको छ ।
बाँके ३ बाट निर्वाचित सांसद सुनार रास्वपा केन्द्रीय सदस्य पनि हुन् । पार्टीले अडियो प्रकरणमा छानबिन नसकिएसम्म यी जिम्मेवारीबाट सुनारलाई निलम्बन गरेको हो ।
पार्टी महामन्त्री विपीन आचार्यले छानबिन निष्कर्षमा नपुग्दासम्म सार्वजनिक पदको हैसियतमा कुनै पनि औपचारिक कार्यक्रममा सहभागी नहुन सांसद सुनारलाई निर्देशन दिएका छन् ।
छानबिन नसकिएसम्म सांसद अब कुनै कार्यक्रममा रास्वपाको नेता वा सांसदको हैसियतमा सहभागी हुन पाउने छैनन् ।
सांसद सुनार हामी आउँदैछौं अभियानका लागि दाङमा रहेकामा घोराहीमा आजका लागि तय गरिएको कार्यक्रम स्थगित गरिएको छ ।
प्रकाशित मिति: २७ आश्विन २०८३, मंगलबार
प्रतिक्रिया