काठमाडौँ । लगानी बोर्डका पूर्व प्रमुख कार्यकारी अधिकृत (सीईओ) सुशील भट्ट पक्राउ परेका छन्। जिल्ला प्रहरी परिसर, काठमाडौँको टोलीले उनलाई शनिबार ललितपुरबाट नियन्त्रणमा लिएको हो।
प्रहरी स्रोतका अनुसार नेपाल राष्ट्र बैंक ऐनअन्तर्गतको कसुरमा अनुसन्धान गर्न भट्टलाई पक्राउ गरिएको हो। इनाम सापकोटासँगको आर्थिक कारोबार तथा सम्बन्धबारे अनुसन्धान गर्ने क्रममा भट्टको कनेक्सन जोडिएपछि उनलाई नियन्त्रणमा लिइएको बताइएको छ।
स्रोतका अनुसार पक्राउ परेका भट्टलाई हाल जिल्ला प्रहरी परिसर, काठमाडौँमा राखिएको छ। उनीमाथि थप अनुसन्धान भइरहेको जनाइएको छ। सुशील भट्ट दीपक भट्टका सहोदर दाइ हुन्।
प्रकाशित मिति: १ कार्तिक २०८३, शनिबार
प्रतिक्रिया