काठमाडौं । स्पेनमा बुधबार बिहान दुई रेल आपसमा ठोक्किँदा कम्तीमा १० जनाको मृत्यु भएको छ। दुर्घटनामा अन्य यात्रु घाइते भएका छन्।
स्थानीय समयअनुसार बिहान ९ बजे भएको दुर्घटनामा मृत्यु हुनेको सङ्ख्या अझै बढ्न सक्ने अधिकारीहरूले बताएका छन्।
क्षेत्रीय सरकारका प्रवक्ताका अनुसार दुर्घटनामा परेको ‘एभीई’ सेवाको रेलमा ३९७ जना र ‘आइरियो’ सेवाको अर्को रेलमा १४६ जना यात्रु सवार थिए।
दुर्घटनापछि घटनास्थलमा एम्बुलेन्स तथा आपत्कालीन उद्धार टोली परिचालन गरिएको छ। घाइतेको उद्धार तथा उपचारका लागि टोलीहरू निरन्तर खटिइरहेका छन्।
प्रकाशित मिति: १२ कार्तिक २०८३, बुधबार
प्रतिक्रिया