काठमाडौं । नेपाल प्रिमियर लिग (एनपीएल) मा आज दुई खेल हुँदैछन्। कीर्तिपुरस्थित त्रिवि अन्तर्राष्ट्रिय क्रिकेट मैदानमा दिउँसो १२:३० बजे जनकपुर बोल्ट्स र काठमाडौं गोर्खाज भिड्दा साँझ ५ बजे कर्णाली याक्स र विराटनगर किङ्सबीच प्रतिस्पर्धा हुनेछ।
पहिलो खेलमा कर्णालीसँग १९ रनले पराजित जनकपुर पहिलो जितको खोजीमा हुनेछ। कर्णालीले दिएको १३३ रनको लक्ष्य पछ्याएको जनकपुर ११३ रनमै समेटिएको थियो। काठमाडौंले भने आज प्रतियोगितामा पहिलो खेल खेल्दैछ।
दोस्रो खेलमा जनकपुरलाई हराएको कर्णाली लगातार दोस्रो जित निकाल्न चाहन्छ। पहिलो खेलमा चितवन राइनोजसँग आठ रनले पराजित विराटनगर पनि जितको लक्ष्यसहित मैदान उत्रिनेछ।
यसअघि बुधबार सुदूरपश्चिम रोयल्सले पोखरा एभेन्जर्सलाई ६ विकेटले हराएको थियो।
प्रकाशित मिति: १३ कार्तिक २०८३, बिहिबार
प्रतिक्रिया