काठमाडौँ । ‘राष्ट्रहरुको स्वतन्त्रताका लागि’ रुसको राजधानी मस्कोमा त्यहाँको सत्तारुढ दल युनाइटेड रसियाद्वारा आयोजित अन्तर्राष्ट्रिय सम्मेलनमा भाग लिएर पूर्व प्रधानमन्त्री एवम् नेकपा संयोजक पुष्पकमल दाहाल’प्रचण्ड’ आज बिहान स्वदेश फिर्ता भएका छन् ।

विश्वका ७६ देशका विभिन्न राजनीतिक दलका ४८० जना नेता तथा प्रतिनिधिको सहभागिता रहेको सो अन्तर्राष्ट्रिय सम्मेलनमा संयोजक प्रचण्डले दुईपटक सम्बोधन गरेका थिए । सम्बोधनका क्रममा प्रचण्डले हरेक राष्ट्रलाई बाह्य हस्तक्षेपबिना आफ्नो भविष्य निर्धारण गर्ने अधिकार रहेको बताएका थिए ।

प्रचण्डले आफ्ना आर्थिक नीति र विकासका प्राथमिकता तय गर्न स्वतन्त्र नभएसम्म साँचो अर्थमा कुनै पनि राष्ट्रको राजनीतिक स्वतन्त्रता पूर्ण नहुने बताएका थिए ।

संसार बहुध्रुवीय विश्व व्यवस्थातर्फ गएको औँल्याउँदै संयोजक प्रचण्डले भने- ‘बाह्य हस्तक्षेपबिना भविष्य निर्धारण गर्ने अधिकार हरेक राष्ट्रलाई छ। सार्वभौम समानता, आपसी सम्मान र शान्तिपूर्ण सहअस्तित्वमा आधारित व्यवस्था बन्नुपर्छ।’

प्रकाशित मिति: ३ मंसिर २०८३, बिहिबार

ग्लोबल नागरिक संवाददाता

'हामी जे देख्छौं, त्यही लेख्छौं र देखाउछौं'
सत्य-तथ्य निष्पक्ष ताजा समाचार'

यो खबर पढेर तपाईलाई कस्तो महसुस भयो ?


स्रोतहरू खुलाइएका बाहेक ग्लोबल नागरिकमा प्रकाशित सम्पूर्ण सामग्रीहरू ग्लोबल जर्नालिस्ट ग्रुपका सम्पत्ति हुन् । यसमा प्रकाशित कुनै पनि सामग्रीहरू छापा, विद्युतीय, प्रसारण वा अन्य कुनै पनि माध्यमबाट पुनःप्रकाशन वा प्रसारण गर्नुअघि अनुमति लिनुहुन अनुरोध छ ।

©2026 GlobalNagarik All rights reserved. | Website by Appharu.com