हरेकपटक ग्यास आउँदा सयौँको संख्यामा लाइन बस्ने उपभोक्ता देखेर बिक्रेतानै आजित बनेका छन् । विगतमा अहिलेभन्दा कम संख्यामा ग्यास आए पनि आपूर्ति नियमित हुन्थ्यो । तर अहिले बढी आउँदा पनि माग झनै बढ्दै गएको छ ।
बागलुङमा आउने ग्यास १६ वटा डिलरहरुले वितरण गर्दै आएका छन् । उपभोक्ताको भीड हुने हुँदा करिब दुई महिनादेखि ग्यास वितरणमा प्रहरीनै खटिनु परेको छ । बागलुङमा गृहलक्ष्मी, शक्ति, नेपाल, एवानलगायत ब्राण्डका ग्यास वितरण हुँदै आएको छ ।
प्रशासन र विक्रेताहरुले विगतमा महिनामा अहिलेको तुलनामा कम ग्यास बागलुङमा आउँदा आपूर्ति सहज रुपमा हुने गरेको बताउँछन् । अहिले उपभोक्ताको कारण कृत्रिम अभाव सिर्जना भएको विक्रेतको दाबी छ । ग्यास वितरणमा बढी भीड हुने हुँदा विक्रेताले कार्ड प्रणाली लागुसमेत गरेका छन् । तर पनि भिड घट्न छोडेको छैन ।
प्रकाशित मिति: १९ भाद्र २०८३, शुक्रबार
प्रतिक्रिया