विराटनगर । सुनसरीको देवानगञ्ज गाउँपालिका–१ मध्यहर्साइमा गोली लागेर एक युवक घाइते भएका छन्।
तिघ्रामा गोली लागेका उनलाई उपचारका लागि विराटनगरस्थित नोबेल अस्पतालमा भर्ना गरिएको छ। घाइते युवकको पहिचान भने खुल्न बाँकी रहेको प्रहरीले जनाएको छ।
प्रमुख जिल्ला अधिकारी ईश्वरीप्रसाद अर्यालका अनुसार स्थानीयबाट गोली चलेको सूचना आएपछि प्रहरी टोली घटनास्थलतर्फ गएको छ। गोली चल्नुको कारणबारे भने अहिलेसम्म खुलेको छैन।
घटनाबारे थप अनुसन्धान तथा विवरण सङ्कलन भइरहेको प्रशासनले जनाएको छ।
प्रकाशित मिति: ३ आश्विन २०८३, शनिबार
प्रतिक्रिया