काठमाडौं । नेकपा एमालेका अध्यक्ष केपी शर्मा ओलीले पाँच दलीय गठबन्धनलाई लूतोको संज्ञा दिएका छन् । 
काठमाडौंमा आयोजित पार्टी प्रवेश कार्यक्रममा बोल्दै अध्यक्ष ओलीले पाँचदलीय गठबन्धन ठूलो घाउ नभएपनि केहीसमय चिलाएर दुःख दिने लुतो रहेको बताए । 
उनले बैशाख ३० गते जनताले लुतो फाल्नुपर्ने बताए । ‘ पाँचदलीय गठबन्धन लुतो हो । ठूलै घाउ पनि होइन तर चिलाको चिलाई गर्छ । यो केही समयका निम्ति पीडा हो । यो पीडाको अन्त्य बैशाख ३० मा गर्नुपर्छ । त्यसलाई लुतो फाल्ने दिन बनाउनुपर्छ जनताले’ ओलीले भने । 
काठमाडौंमा एमालेको जित सुनिश्चित रहेको भन्दै ओलीले गठबन्धनका कारण जनतामा त्रास बढेको बताए । ‘गठबन्धनको पक्षमा छु नभनेसम्म बाँच्नपनि नपाउने भन्ने अवस्था आइसक्यो’, ओलीले भने । 
आफ्नो मन्तव्यमा कांग्रेसप्रति कटाक्ष राखेका ओलीले कांग्रेसबाहेकका पार्टी टिप्पणीका लागि योग्य नभएको बताए । ‘जनावरको कुरा गरेपछि जनावरको खुट्टा र पुच्छरको कुरा गर्न जरुरी छैन’, उनले भने ।
प्रकाशित मिति: १५ बैशाख २०७९, बिहिबार
प्रतिक्रिया