खोटाङ – पूर्व सांसद समेत रहेका माओवादी केन्द्रका केन्द्रीय अनुशासन आयोगका अध्यक्ष टंक राईमाथि हातपात भएको छ ।
स्थानीय पूर्ण राईले मादक पदार्थ सेवन गरेको अवस्थामा राति साढे ९ बजे बुधबार राति आफ्नै गाउँ दिक्तेल रुपाकोट मझुवागढी नगरपालिका–१२ जालपा मा कठालो समातेर आक्रमण गरेको पूर्वसांसद राईले बताए ।
खाना खाएर सुत्ने तरखर गरिरहेका बेला नजिकै हो–होल्ला भएर हातपात हुन थालेपछि छुट्ट्याउने क्रममा राईमाथी आक्रमण भएको हो ।लछारपछार पार्दा उनको टाउकोमा चोट लागेको छ ।
माओवादी नेता तथा कार्यकर्ताले भने निर्वाचनको परिणामलाई लिएर पूर्वसांसदमाथि आक्रमण भएको दाबी गर्दै पालिका तहको चुनावमा विजय जुलुस निकालिरहेको अवस्थामा बोत्तल हानेको आरोप उनिहरुको छ ।
प्रकाशित मिति: १२ जेष्ठ २०७९, बिहिबार
प्रतिक्रिया