काठमाडौँ । धरान उपमहानगरपालिकाका मेयर हर्कराज साम्पाङले प्रधानमन्त्री केपी शर्मा ओलीले आफूसँग फेस गर्न नसकेको प्रतिक्रिया दिएका छन् ।
साम्पाङ मंगलबार दिउँसो प्रधानमन्त्रीलाई भेट्न सिंहदरवार पुगेका थिए । उनले खानेपानी मन्त्री र अर्थमन्त्रीलाई भेटेर धरानको पानीको समस्या र बजेट सुनिश्चितता गर्न आग्रह गरेका थिए ।
लगत्तै प्रधानमन्त्री ओलीलाई भेटेर पत्र बुझाउन भन्दै प्रधानमन्त्री तथा मन्त्रिपरिषद् कार्यालय पुगेका थिए ।
तर, उनले प्रधानमन्त्रीसँग भेट्न पाएनन् । प्रधानमन्त्रीसँग भेट्न नपाएका साम्पाङले सामाजिक सञ्जालमा भनेका छन्, ‘केपी ओलीले फेस गर्न सकेनन्, मलाई ।’
प्रधानमन्त्रीको सचिवालय स्रोतका अनुसार साम्पाङसँग आज भेटघाटको कार्यक्रम नै तय भएको थिएन ।
खानेपानीको समस्या सुनाउन भन्दै उनी सोमबार रित्तो गाग्रो बोकेर काठमाडौँ आएका थिए । मंगलबार सिंहदरवारमा पनि उनी रित्तो गाग्रोसहित पुगेका थिए । यद्यपि प्रहरीले गाग्रो खोसेको थियो ।
प्रकाशित मिति: ८ माघ २०८१, मंगलबार
प्रतिक्रिया