काठमाडाैं । कपिलवस्तुको पूर्व-पश्चिम राजमार्ग अन्तर्गत बनगाई र गोरुसिगे जंगलको बीचमा एम्बुलेन्स र विंगर एक आपसमा ठोक्किँदा एक दर्जनभन्दा बढी यात्रु घाइते भएका छन्।
दुर्घटना अर्घाखाँचीबाट बुटवल जाँदै गरेको एम्बुलेन्स र बुटवलबाट चन्द्रौटा जाँदै गरेको लु १ ज ४२८० नम्बरको विंगरबीच सोमबार दिउँसो करिब ४ बजे भएको हो।
दुर्घटनामा १३ जना घाइते भएका छन्। तीमध्ये गम्भीर घाइतेहरूलाई बुटवल रिफर गरिएको छ भने अन्यको उपचार जितपुर उपमहानगरपालिका-४ स्थित स्वास्थ्य संस्थामा भइरहेको ट्राफिक प्रहरी कार्यालय, कपिलवस्तुले जानकारी दिएको छ।
प्रहरीका अनुसार तिव्र गति नै दुर्घटनाको मुख्य कारण हुनसक्ने प्रारम्भिक अनुमान गरिएको छ। दुर्घटनाबारे थप अनुसन्धान भइरहेको छ।
प्रकाशित मिति: २३ असार २०८२, सोमबार
प्रतिक्रिया